Vi lagar julestemning i Movika, og inviterer deg til å oppleve julepynta stover og stemning i tunet.
I tunet pyntar vi til jul i stova på husmannsplassen og i Østenstadstova. Her kan du sjå korleis det såg ut på julekvelden på 1800-talet.
Klokka 14.30 samlast vi til å gå julebukk i museumstunet. Her syng vi julesongar og «går på besøk» til nokre av husa i tunet. Kanskje ventar det noko godt til oss undervegs?
Julebukkmaske får du lage på museet, men ta gjerne med deg utkledningsklede og maske om du har heime.
Søndag 8. desember, kl. 12-16
Søndag 15. desember, kl. 12-16 (Vi går julebukk i tunet)
I tillegg til dei julepynta stovene blir det høve til å vere med på ulike aktivitetar. Du kan lage julekort, julepynt og julebukkmaske som du kan kle på deg når vi skal gå julebukk i tunet.
Julepynten kan du ta med deg heim eller henge på juletreet på museet.
Du kan også sjå husa og besøke oss tysdag til fredag 10.00 -15.00.
I opningstidene er museumsbutikken open. Her får du kjøpt fine varer som leiker, gåveartiklar, handverksprodukt, og bøker.
Vi ynskjer deg hjartleg velkomen til eit førjulsbesøk i Movika.